Aurrezki-Inbertsio Negozioa Garatzeko eta Wealth Management lantaldearen barruan, zure eginkizuna LABORAL Kutxaren Inbertsio Zerbitzuetarako merkatuak eta estrategiak aztertzea izango da, informazio zehatza eta garrantzitsua emanez, eta, aldi berean, ezagutza horiek hezkuntza- eta dibulgazio-eduki irisgarri bihurtu beharko dituzu bezeroentzat, aholkularientzat eta, publiko orokorrarentzat.

ZURE EGUNEROKO LANA 

• Inbertsio Zerbitzuetako Analista: negozio- eta estrategia-txostenak aztertu eta egitea, merkatuaren jarraipena egitea, joerak behatzea, aukerak identifikatzea eta inbertsio-batzordeetan parte hartzea.
• Dibulgazioak eta hezkuntza finantzarioa: inbertsioei eta ondare-kudeaketari buruzko edukia sortuz, LK-ko inbertsio-zerbitzuetarako inbertsio-estrategiak eta haien bilakaera hainbat bitartekoren bidez helaraztea, bezeroentzat, aholkularientzat edo publiko orokorrarentzat eskuragarri izateko moduan, eta komunikazio-estrategiak garatzea bezeroak erakartzeko eta fidelizatzeko.
• Aholkularitza eta laguntza estrategikoa produktuak garatzeko, marketinerako eta aktiboak kudeatzeko taldeekin modu intentsiboan lankidetzan arituz Inbertsio Zerbitzuen balio-proposamena hobetzeko, Banku Pribatuko eta Premiumeko merkataritza-arduradunekin inbertsio-zerbitzuei eusteko, dinamizatzeko eta bultzatzeko ekintzetan eta inbertsio-zerbitzuen barne-dinamizatzaileen talde baten koordinazioan.

ZER ESKAINTZEN DUGU?

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:

Talde-lana, elkarrekiko laguntza eta parte-hartzea sustatzen ditugu.

Prestakuntza pertsonalizatzen dugu, pertsonen trebakuntza beren bizitza profesional osoan garatzeko.

Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.

Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.

Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...

Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.

Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.

• Gradua edo Lizentziatura enpresa (ADE, Ekonomia, Finantzak, etab.) edo STEM adarreko titulazioetan (Matematikak, Ingeniaritzak, etab.). Finantzetako Masterra izatea baloratuko da.
• Merkatuen eta Asset Managementen ezagutza sakona
• Wealth & Asset Managementen edukia sortzeko gaitasuna eta motibazioa
• 5-10 urteko esperientzia bankuen sektorean, horietako 3 gutxienez Ondareen Kudeaketako negozio-arloetan (Wealth & Asset Management)
• Komunikazio- eta gizarte-trebetasun nabarmenak, moldakortasuna stakeholder ugariko ingurunean jarduteko
• LABORAL Kutxaren lurraldeetara bidaiatzeko prestasuna, postua Arrasaten oinarritua egongo da
• Euskara- eta ingeles-maila altua