Arloa: Euskalgintza / Euskal Kultura

Eskaintzaren deskribapena:

Lan jardun erdiko lanpostua estali nahi da, Azpeitian Euskaraldia ekimena dinamizatzeko. 4 hilabeterako lan kontratua eskaintzen da, irailaren 1ean hasita. Azpeitiko Euskaraldia ekimenaren baitako eragiletza lanak bere ardurapekoak izango dira eta honako zereginak izango ditu, besteak beste:

• Herriko eragileei eta herritarrei Euskaraldia ekimena aurkeztu (elkarteak, enpresak, norbanakoak…) eta prestakuntza eskaini.
• Euskaraldiko Batzordea ahaldundu eta indartzeko ekimenak garatzea eta dinamizatzea.
• Tokian tokiko komunikazio plangintza bideratu eta ekimenak garatu.
• Entitateen lanketa planifikatu eta garatu.
• Herritarrak ahobizi/belarriprest dinamikarako aktibatu eta prestatu.
• Herritarren eta entitateen izen ematea antolatu.
• Balorazioa eta aurrera begirako urratsak adostu herriko euskaltzaleekin.
• Ekimenaren aurrekontua kudeatu.
• Dinamizazioa: Antolatzaileen eta herriko boluntarioen lana koordinatu. Koordinazio orokorreko mintegi eta bileretan parte hartu eta ekimen orokorreko sustatzaileekin koordinatuta egon.

Honako baldintzak betetzea eskatuko zaie hautagaiei:

• Euskara maila egokia izatea (idatziz zein ahoz).
• Azpeitia ondo ezagutzea.
• Euskaltzalea izatea eta euskalgintzaren ezagutza izatea.
• Jendaurrean eta jendearekin harremanetarako gaitasuna izatea.
• Eragiletzarako gaitasuna izatea (ekimena herrian zabaldu eta ekimenera jendea erakartzeko abilezia).
• Kudeaketarako gaitasuna izatea.
• Komunikazio alorreko ezagutza izatea baloratuko da (sare sozialak, bideoen sorrera, webguneen kudeaketa, diseinua, ofimatika…).
• Lanerako autonomia maila altua izatea ezinbestekoa da.
• Ordutegi malgutasuna izatea ezinbestekoa da.
• Gidabaimena eta autoa.

Lekua: Azpeitia Gipuzkoa

Enpresa: Euskaltzaleen Topagunea

Lan mota: Jardunaldi laburra

Soldata: Zehaztu gabe

Curriculumak eta motibazio gutunak, Lansarean webgunearen bidez edo posta elektronikoz bidali behar dira: mikel@topagunea.eus helbidera. Epemuga: ekainak 22