Arloa: Osasuna / Medikuntza / Gizarte Zerbitzuak

Eskaintzaren deskribapena:

HORBEL Gizarte Ekimeneko Kooperatibaren xedea da haurren, nerabeen eta gazteen bizi-kalitatea hobetzearekin lotutako edozein gaietan erakunde publiko nahiz pribatuei laguntza teknikoko, esku-hartzeko eta aholkularitzako zerbitzuak ematea, aldi berean euskararen erabilera bultzatuz.

Postuen helburua

Hautatutako pertsonek Babes Zerbitzuari proposatutako egoitza-harrerako laguntza teknikorako programaren garapena jarraitzen eta ikuskatzen lagundu beharko dute; betiere, zerbitzuaren zuzendaritza-taldearen mende egonik, eta talde teknikoekin koordinatuta eta lankidetzan.

Funtzioak:

• Adingabe bakoitzarentzat eta haien familientzat erreferente tekniko bakarra izatea eta kasuaren jarraipena egiteko esleitutako zereginak betetzea.
• Egoitza-baliabideen eta horietan dauden taldeen jarraipena eta ikuskapena egitea, horretarako esleitutako zereginak betez.

Profilari dagokionez:

• Prestakuntza: Goi mailako titulazioa Psikologian, Gizarte Hezkuntzan edota Gizarte Lanean. Prestakuntza osagarri gisa, haurren babesaren edota egoitza-harreran arlokoa egiaztatzea.
• Hizkuntza-konpetentziak egiaztatzea: Euskara menderatzea ekoizpenean eta ulermenean (EGA, C1, HABE3).
• IKT konpetentziak: Informatikan erabiltzaile maila eta postuarekin lotutako beste IKT konpetentzia batzuk izatea.
• Autoa gidatzeko baimena eta autoa izatea.
• Balioztatuko dira: Familia terapia, Biktimen Asistentzia, Kliniko eta Osasun Psikologoa edota Arriskuan eta Gizarte Gatazkan dauden Nerabe eta Gazteekiko Esku-hartzea Graduondokoa.
• Era berean balioztatuko da haurren babesaren edota egoitza-harreraren arloan eskarmentua izatea.

Lekua: Gipuzkoa

Enpresa: Horbel Gizarte Ekimeneko Kooperatiba

Lan mota: Jardunaldi osoa

Soldata: 35.000tik gora

Hautagaien aurkezpena

• Interesatuek bidali CV eguneratua asalaberria@horbel.eus posta elektronikora, 2025eko abuztuaren 24a baino lehen TEKNIKARI_ESPEZIALISTA erreferentzia adierazita.