Arloa: Administratiboak / Idazkariak / Bulegariak

Eskaintzaren deskribapena:

Gustuko al duzu jendearekin lan egitea eta ideiak benetako jarduera bihurtzea?

Igartzako Monumentu Multzoan ondarea, bisita gidatuak, kultura-jarduerak eta ekitaldi pribatuak uztartzen ditugu. Pertsona hurbila, antolatua eta ekimenduna bilatzen dugu, eguneroko lanean parte hartzeaz gain, tailer eta jarduera berriak garatzen laguntzeko.

Zure eginkizuna

Igartzara hurbiltzen diren pertsonei esperientzia atsegina eskaintzea eta gunea biziberritzen laguntzea, bertako ondarearekin eta aukerekin bat datozen proposamenen bidez.

Ideiak proposatzeaz gain, adostutako jarduerak prestatu eta gauzatzeko gogoa duen pertsona baten bila gabiltza.

Zeregin nagusiak

Jendaurreko arreta eta bisita gidatuak:

• Bisitariei eta bezeroei arreta ematea, aurrez aurre, telefonoz eta posta elektronikoz.
• Kontsultak, erreserbak eta eskaerak kudeatzea.
• Bisita gidatuak egitea, azalpenak modu argi eta hurbilean emanez eta talde bakoitzera egokituz.

Ekitaldien antolaketa:

• Kultura-ekitaldiak eta ekitaldi pribatuak prestatzen eta koordinatzen parte hartzea.
• Jarduera bakoitzerako espazioak eta materialak prestatzea.
• Taldearekin eta gainerako parte-hartzaileekin xehetasunak koordinatzea, publikoaren esperientzia zainduz.
• Ekitaldi bakoitzaren beharrak aldez aurretik argitzea antolatzaileekin: parte-hartzaile kopurua, ordutegiak, aretoaren antolamendua eta beharrezko materiala.
• Aretoen prestaketa eta muntaketa-lanak egitea, taldearekin koordinatuta: mahaiak eta aulkiak kokatzea, megafonia prestatzea eta gainerako materiala jartzea, ekitaldia hasi aurretik dena prest eta behar bezala dabilela egiaztatuz.

Jarduera berrien garapena:

• Igartzarekin bat datozen tailerrak, esperientziak eta jarduerak proposatzea.
• Bisitarien interesak entzutea eta hobetzeko aukerak antzematea.
• Proposamenei forma ematea: norentzat diren, edukiak, materialak eta antolaketa-beharrak zehaztea.
• Onartutako jarduerak prestatzea eta martxan jartzea, adostutako baliabide eta lehentasunen arabera.
• Egindako jarduerak baloratzea eta hobekuntzak proposatzea.

Bisita edo ekitaldi gutxiago dagoen aldietan, hurrengo jarduerak prestatzea eta proposamen berriak garatzea ere izango da zure lanaren parte, jendaurreko arreta bermatuz.

Zer eskaintzen dugu?

• Kontratu mugagabea.
• Asteko 32 orduko lanaldia, 40 ordura zabaltzeko aukerarekin.
• Goizeko, arratsaldeko edo lanaldi zatituko txandak, asteazkenetik igandera.
• Astelehenetan eta astearteetan atseden, baita bi igandetik batean ere.
• Ondarea, pertsonekiko harremana eta jardueren garapena uztartzeko ingurune berezia.

• Kulturarekiko, ondarearekiko eta jendearekin lan egiteko interesa eta gogoa izatea.
• Jendeari tratu ona ematea eta komunikatzeko zein taldeak gidatzeko erraztasuna izatea.
• Ekimena izatea: aukerak antzemateko eta proposamen zehatzak egiteko gaitasuna.
• Ideiak prestatu eta gauzatzeko ardura hartzea, proposamen hutsean geratu gabe.
• Eguneroko zereginak antolatzeko eta proiektuetan aurrera egiteko gaitasuna izatea.
• Adostutako lanean autonomiaz jardutea eta, behar denean, laguntza edo onespena eskatzen jakitea.
• Taldean elkarlanean aritzea, informazioa partekatzea eta hartutako konpromisoak betetzea.
• Adierazitako lan-ordutegian lan egiteko prest egotea.
  
  

  Nahitaezko baldintzak:

  • EGA titulua izatea.
  • Ingelesez hitz egiteko gaitasuna izatea, bisitariei arreta emateko eta bisita gidatuak egiteko.

  Beste hizkuntza batzuk jakitea ere positiboki baloratuko da.

Positiboki baloratuko dugu bisita gidatuetan, tailerretan, kultura-dinamizazioan, turismoan, jendaurreko arretan edo ekitaldien antolaketan izandako esperientzia.

Lekua: Beasain Gipuzkoa

Enpresa: IGARTZAKO MONUMENTU MULTZOA

Lan mota: Jardunaldi osoa

Soldata: 20.000-25.000

Prozesuan parte hartzeko, bidali zure curriculuma igartza@unegune.com helbidera, «Igartza – Lan-eskaintza» gaiarekin, eta erantzun eskaintzako galdetegiari.

Zure interesa, ekimena eta lan egiteko modua ezagutu nahi ditugu. Erantzunetan, erabili adibide zehatzak: lanekoak, ikasketetakoak, elkarteetakoak edo boluntariotzakoak izan daitezke.

Ez duzu Igartzarako proiektu berri bat prestatu behar; dagoeneko egindakoaren bidez ezagutu nahi zaitugu.