AUPAk zerbitzuaren garapen eta kudeaketa arduradun bat bilatzen du alternantzian

Deskribapena

Arloa: Garraioa / Autogintza / Aeronautika / Itsasgintza

Eskaintzaren deskribapena:

Ipar Euskal Herriko auto-partekatze kooperatibarekin bat egin eta parte har ezazu trantsizio ekologikoan, mugikortasun arloan eraginez, eta ekonomia sozial eta solidarioaren baloreak partekatuz: interes kolektiboa eta kooperazioa.

LURRALDEKO HERRITAREN EKIMENA

Aupa 2022 bukaeran sorturiko Interes Kolektiboko Kooperatiba da, auto-partekatze zerbitzu bat proposatzen duena Ipar Euskal Herrian eta Landetako hegoaldean.

Gure eginkizun nagusia: autoaren erabilera apaltzea, erabilera puntual bat sustatuz: partikularrentzat eta profesionalentzat auto batzuk eskuragarri emanez, oren edo egun batzuetarako, eguneko 24 orenetan.upa Frantzian azken 25 urte baino gehiagotan auto-partekatzea sustatzen duen Citiz sareko kide da.

Gaur egun, taldea handitu nahi dugu (kooperatibako zuzendaritza orokorraren ondoan), zerbitzua eta haren kudeaketa garatzeko.
Bulegoa Baiona Ttipian dugu eta ekonomia sozial eta solidarioko beste eragile batzuekin partekatzen dugu (Euskal Moneta, Bihar, Terre Buissonnière eta Bai Euskarari). Ingurumen gazte eta dinamikoan, aldizkako formakuntzan den langile berria eginkizun anitzetan trebatzen ahalko da, lagundua eta inguratua izanez.

ZURE EGINKIZUNAK

Ondoko eginkizunetan formatu eta trebatuko zara:

Bezeroen kudeaketa: telefono bidezko harrera, e-mail kudeaketa, izen-emateen kudeaketa eta bezeroen laguntzea;
Autoen kudeaketa: andeatzeak, ibilgailuen mugitzea noizbehinka, mantentze planaren kudeaketa.

Orokorkiago, ESS saileko egitura bateko misioak eta ardurak, kooperatiba-eredu barnean.

Bereziki zure jakintza eta laguntza ekarriko dizkiezu zuzendariari eta komunikazio arduradunari zerbitzuaren garapen jarduerari buruz:

Erabiltzaile partikularren kopuruaren garapenean merkataritza ekintzen bidez,
Erabiltzaile profesionalen multzoaren garapen eta jarraipenean,
Partzuergoen sortzean,
Komunikazio eduki eta euskarrien sorkuntzan parte hartzean,
Geltoki berrien irekitzean eta flotaren garapenean parte hartzean.

BILATZEN DEN PROFILA

Eskaturiko trebetasunak:

Idazteko gaitasuna
Bulegotika tresnen menperatzea (Internet, Word, Excel, Powerpoint…)
Euskararen ezagutza abantaila bat litzateke (ahozkoan eta idatzian)
B gida-baimena beharrezkoa

Eskaturiko beste gaitasunak:

Harremanetarako gaitasunak, pedagogia eta jarraikitasuna
Gaitasun aniztasuna eta engaiamendua
Autonomoa eta proposamenak aurkezteko gai izatea
Antolaketarako gaitasuna, zorroztasuna

Enpresaburu gogoa baduzu eta balore azkarrak dituen kooperatiba berritzaile batean inplikatu nahi bazara (garapen iraunkorra, ekonomia sozial eta solidarioa), kuriosa eta motibatua bazara eta izpiritu kritikoa baldin baduzu, postu hau zuretzat egina da!