Arloa: Euskalgintza / Euskal Kultura

Eskaintzaren deskribapena:

Postuaren deskribapena

2017an, Euskal kultur erakundeak Etnopolo labela ukan du ondare immateriala arloan egiten duen bilketa, transmisio eta sorkuntza lanaren bultzatzeko.
Ondorioz, Kultura ministeritza eta Bordeaux Montaigne unibertsitatearekin hitzarmen bat izenpetu du eta egitasmo zientifiko-kulturala idatzi (azkena 2023-2026 epealdikoa izanik).

Egitasmo honen obratzeko, Etnopolo arduradun bat xerkatzen du Euskal kultur erakundeak.

Lau ikerketa ardatz hauei ematen zaie lehentasuna :

• Ahozko memoriaren biltzea eta lantzea (Eleketa programa)
• Ondarea eta sorkuntza gurutzatzea
• Hizkuntza eta jendartearen elkarreragina aztertzea
• Kultura eskubideak ikertzea

Etnopolo arduradunak Eleketa programa koordinatu beharko du, ikerketa egitasmoarekin koherentzian egon dadin.
Beharko ditu ere lau ikerketa ardatzen inguruko ikerketa programak eta ekitaldi zientifikoak (mintzaldi eta kolokio) bultzatu, antolatu eta kudeatu, harremanetan egonez etnopoloen sarearekin eta sare honi lotu administrazioarekin.
Azkenik, ahal duen neurrian, ondare sailan dituen gaitasunak eta ezagutzak lurraldeko erakunde, herriko etxe, elkarte eta publiko zabalaren zerbitzuko ezarri beharko ditu.

Eskatutako ikasketa maila

• Baxoa + 5 urte

Eskatutako kalitateak

• Antolatua, kudeatzailea eta koordinatzailea izan
• Entzuteko, analizatzeko eta sintetisatzeko gaitasunak ukan
• Jakitate zientifikoa jendarteratzen jakin
• Ahozko memoriarekiko interesa ukan

Eskatutako gaitasun teknikoak

• Euskaraz eta frantsesez ongi mintzatzea eta idaztea
• Ahozko eta idatzitako komunikazioan errextasunak ukaitea
• Proiektu eta talde kudeaketan esperientzia ukaitea
• Antropologian ezagutza ona ukaitea
• Tresna numerikoetan trebe izaitea
• Baliozko B gida-baimena ukaitea

Kontratua

• Lan-kontratu mugagabea, 6 hilabeteko probaldiarekin
• Lan-tokia: Lota Jauregia - Uztaritze. Bulegotik mugitzea eskatuko da elkartearen beharren arabera
• Ordutegia: denbora osoko lanaldia, astean 35 oren

Lekua: Uztaritze Lapurdi

Enpresa: Lansarean

Lan mota: Jardunaldi osoa

Soldata:

CV-a eta motibazio gutuna bi hizkuntzatan (euskaraz eta frantsesez) emailez igorri behar dira,  2024ko urriaren 31ko berantenik, helbide honetara: elix@eke.eus