Arloa: Irakaskuntza / Prestakuntza

Eskaintzaren deskribapena:

Getxon kokatutako San Nikolas Ikastola Kooperatiba Elkarteak, sor daitezkeen behar pedagogikoei eta ordezkapenei erantzuteko irakasle lan-poltsa ireki berri du etapa ezberdinetan. Horretarako, indarrean dagoen Ikastolen Lan Hitzarmena eta San Nikolas Ikastolako irakasleak kontratatzeko prozeduran jasotako irizpideak zein gardentasun protokoloak jarraituko dira. 

Lan-poltsa honako profil eta etapetarako osatuko dugu:

-HH 1 urte / hezitzaileak
-HH 2-5 urte
-LH
-PT
-DBH (zientzia, hizkuntza, gizarte eta gorputz hezkuntzako espezialitateak)

Gutxieneko betekizunak:

-Dagokion etapako titulazioa edo baliokidea izatea.
-Euskararen C1 maila edo baliokidea izatea.
-DBHko irakasleen kasuan, dagokion gradua eta Irakasleen Prestakuntza Unibertsitate Masterra edo baliokidea edukitzea.
-Espezialisten kasuan, dagokion aipamena edo espezializazioa edukitzea.

Titulazioaz gain, batez ere baloratuko dugu:
-Gaitasun orokorrak, izaera eta talde lanerako gaitasuna.
-Komunikaziorako eta harremanetarako trebetasunak.
-Motibazioa eta ikasteko prestutasuna.
-Irakaskuntzarako profil egokia zein esperientzia. Ikastolen Hezkuntza Marko Orokorraren ezagutza.
-Euskalgintza eta Euskal Herriko Ikastolen proiektu eta balioekiko jarrera, atxikimendua eta konpromisoa.

Lekua: Getxo Bizkaia

Enpresa: SAN NIKOLAS IKASTOLA

Soldata: Zehaztu gabe

Eskaerak aurkezteko epea: 2026ko maiatzaren 21tik 31ra.

Curriculumak bidaltzeko:

Ikastolako www.sanikolas.eus webguneko formularioaren bidez.