Arloa: Administratiboak / Idazkariak / Bulegariak

Eskaintzaren deskribapena:

Gabriel Aresti euskaltegian, Bilbon, administrazio- eta harrera-lanak egiteko pertsona baten bila gabiltza.

Euskaltegiko ikasleei eta herritarrei arreta ematea, matrikulazio-prozesua kudeatzea eta eguneroko administrazio-lanak egitea izango dira lanpostuaren eginkizun nagusiak.

Eginkizunak

• Ikasleei eta informazio eske hurbiltzen diren pertsonei arreta ematea, aurrez aurre, telefonoz eta posta elektronikoz.

• Euskaltegiko ikastaroei, mailei, ordutegiei, prezioei eta matrikulazioari buruzko informazioa ematea.

• Matrikulazio-prozesua kudeatzea: izen-emateak, datuen erregistroa eta dokumentazioaren bilketa.

• Ikasleen datuak eta espedienteak eguneratuta mantentzea, kudeaketa-programak erabiliz.

• Ordainketak, ordainagiriak eta fakturak kudeatzen laguntzea, eta kobratzeko dauden ordainketen jarraipena egitea.

• Ikasleentzako ziurtagiriak, egiaztagiriak eta bestelako dokumentuak prestatzea.

• Euskaltegiko dokumentazioa eta artxiboak antolatzea eta eguneratzea.

• HABEri eta beste erakunde batzuei lotutako administrazio-izapideetan laguntzea.

• Irakasleekin, zuzendaritzarekin eta gainerako lankideekin koordinatzea, euskaltegiaren eguneroko funtzionamendua errazteko.

• Euskaltegiaren jarduerari lotutako bestelako administrazio-lanak egitea.

Bilatzen dugun profila

Pertsona antolatua, arduratsua eta jendearekin harremanak izateko gaitasuna duena. Taldean lan egiteko prestasuna, autonomia eta eguneroko gorabeherei erantzuteko gaitasuna baloratuko ditugu.

 

 

Baldintzak eta baloratuko direnak

• Gaztelania erabiltzeko gaitasuna.

• Tresna informatikoak eta bulegotika-programak erabiltzeko gaitasuna.

• Euskalgintza, euskaltegien edo helduen euskalduntzearen esparrua ezagutzea baloratuko da.

 

Lekua: Bilbo Bizkaia

Enpresa: Gabriel Aresti euskaltegia

Lan mota: Presentziala

Soldata: 30.000-35.000