Aiaraldea Ekintzen Faktoriak sukaldari bat kontratatu nahi du lanaldi erdian (20 lanordu astean), astelehenetik ostiralera lan egingo duena. Lanpostua epe luzerakoa da. Kontratazio berria Elikadura Burujabetza ildoaren garapenean kokatzen da, Faktoriako Ekonomatuan merkaturatzen diren garaian-garaiko tokiko produktu ekologikoak kozinatu eta Faktoriako sukalde komunitarioaren eskaintza agroekologikoa garatzeko ardura izango du kontratatuko den sukaldari-buruak. Era berean, ekonomatuko hornitzaileekin harremanak izan eta eskaerak bideratu beharko ditu kontratatutako den pertsonak
Lan-deialdi honetan interesa duten pertsonek martxoak 17a baino lehen bidali beharko dituzte aurkezpen gutuna eta curriculuma lanpoltsa@aiaraldea.eus helbidera (erdaretan idatzitako curriculum edo aurkezpen gutunak alboratuko dira).
Lanpostuaren gaineko edozein zalantza argitzeko interesdunek lanpoltsa@aiaraldea.eus helbidera idatzi edo 669 83 57 87 telefono zenbakira deitu dezakete.