Arloa: Euskalgintza / Euskal Kultura

Eskaintzaren deskribapena:

Bai Euskarari Elkarteak bere proiektuak garatzeko kontratazioak egin behar ditu. Bai Euskarari Ziurtagiriaren kudeaketan eta sustapen lanean eta, era berean, Elkartearen gainerako proiektuetan ere parte hartuko dute (informazioa osatzeko: https://baieuskarari.eus/eu/proiektuak).

Lanpostuetako bat, lankide baten amatasun baimena ordezkatzeko izango da. Ondoren, lantaldean segitzeko aukerarekin.

Bai Euskarari Elkartearen xedea honakoa da: ”Lan munduan euskararen erabilera areagotzeko eragitea”.

• Bai Euskarari Elkartean espazio berriak esploratzea gustatzen zaigu, euskararentzat bide berriak irekitzen dituela sinesten dugulako. 
• Konexioak bultzatzen ditugu eragileen artean, enpresa eta profesionalen interesekoak diren gaiak euskaraz eskainiz. 
• Euskaraz eroso aritzeko espazio, proiektu eta tresnak eskaintzen ditugu lan mundua osatzen duten aktore guztiei zuzenduta.

Info +: www.baieuskarari.eus

Hauek dira kontuan hartuko diren ezaugarriak:

• Curriculuma eta erreferentziak.
• Lizentziatua edo graduatua izatea.
• Hizkuntza plangintzan eta kudeaketan esperientzia izatea. Eskarmentua izatea antzeko lanetan.
• Talde lanean aritzeko gaitasuna.
• Lana antolatzeko gaitasuna, izaera planifikatua eta dinamikoa.
• Komunikazio gaitasunak, taldeak dinamizatzeko gaitasunak eta antzekoak.
• Harreman-sareak sortzeko eta kudeatzeko gaitasuna.
• Komunikazio eta kudeaketa tresnak ezagutzea eta erabiltzen jakitea.
• Hizkuntzak ezagutzea.
• Gida baimena eta autoa behar dira.

Lan baldintzak:

• Lan kontratua, jardun osoan.
• Lantokia: Andoain/ Gasteiz; telelanean aritzeko aukera.
• Lanean hastea berehalakoa izango da.
• Hasi aurretik, formazioa eskainiko da.

Enpresa: Bai Euskarari Elkartea

Lan mota: Jardunaldi osoa

Soldata:

Hautaketa prozesua www.lansarean.eus lan-atariaren bitartez bideratuko da. Curriculuma eta erreferentziak Lansarean lan-atarira bertara igo beharko dira, 2023ko otsailaren 19aren aurretik.

Probetara aurkezteko aukeratutakoekin bakarrik jarriko gara harremanetan. Lan-poltsa osatuko da.