Arloa: Elkarteak / Aisialdia

Eskaintzaren deskribapena:

Nor gara?

BDSKoop irabazi-asmorik gabeko elkartea da, Ekonomia Sozial eta Eraldatzailea eta trantsizio ekosoziala sustatzen dituena Bidasoaldean. Eraldaketa Fabrika, Zabalduz eta Trantsizio Ekosozialaren lerroetan dihardugu, ikuspegi feminista, komunitario eta kooperatiboarekin.

---

Lan baldintzak

Lanaldi erdia: 900 euro hilean.

*Lanaldi osora pasatzeko aukerarekin epe ertain-motzean.

*Etxetik lan egiteko aukerarekin, presentzialitatea beharrezkoa ez bada bulegoan, ikastetxe edo dagokion lekuan.

*Urriak 1etik aurrera lanean hasteko.

---

Lanpostuaren helburua

Barne-koordinazioa eta BDSKoop-en komunikazio estrategikoa gidatzea. Pertsona honek lantaldeen koordinazioa dinamizatuko du eta erakundearen barne zein kanpo komunikazioa planifikatu, sortu eta gauzatuko du.

---

Eginkizun nagusiak

KOORDINAZIOA

• Proiektu-Komunikazio lan taldea eta Barne Antolaketa Lan Taldea: deialdiak, gai-ordena, aretoak lotu, aktak eta jarraipena.

• Batzarrak eta koordinazioak: diseinua, dinamizazioa eta akten kudeaketa.

• Erabakitakoa gauzatu: proiektuen eta komunikazioaren zereginak martxan jarri.

• Langileen arteko koordinazioa: bilerak prestatu, komunikazioa eta kontrasteak bermatu (NextCloud partekatzeak aktibatuz); dinamizazioa eta aktak.

KOMUNIKAZIOA

• Barne komunikazio kanalak zaindu eta hobetu: mailing egiturak, deialdien irisgarritasuna, bileren informazioaren argitasuna.

• Webgunea: edukia eguneratu eta bi hizkuntzetara pasa; berrikuspen eta berrantolaketa-proiektuak lideratu.

• Sare sozialak (Instagram, Telegram…): eduki-egutegia, programazioa eta komunitatearen dinamizazioa.

• Eduki ikus-entzunezkoak: bideo laburrak grabatu/ editatu/ igotzea (ekintzailetza eta EF esperientziak).

• Komunikazio planak: proiektu bakoitzerako (faseen arabera) eta BDSKoop osoarentzat; jarraipen-adierazleak eta ebaluazioa.

• Hedabideak: harreman sareak, prentsa oharrak, elkarrizketak eta prentsaurrekoen antolaketa.

• Ekitaldi komunikatiboak: atrezzoa, mezu nagusia eta eszenografia pentsatu eta gauzatu.

• Laia aldizkaria: difusioaren diseinua; koordinazioa eta, beharrez, edukiak idaztea/lotzea; inprenta eta maketazioarekin harremanak.

• Irratirako kolaborazioak: lotu, grabatu, editatu eta bidali.

• Brandinga: estilo gidaren eguneraketa eta txantiloiak (kartelak, mailingak, txostenak…).

• Material azkarrak: kartel eta maketazio premiazkoen entrega epeetan.

HARREMAN SOZIALA ETA SAREAK

• BDSKoop partaide den sareetan ordezkaritza eta parte-hartzea (adostutako agendetan).

 

Zer eskaintzen dugu?

Lan-ingurune kooperatiboa, eragin sozial zuzena eta ikaskuntza/garapen aukerak.

---

 

 

Profil bila

• Komunikazioa, Kazetaritza, Publizitatea/PR, Gizarte Komunikazioa edo antzekoetan prestakuntza; edo baliokidea den esperientzia.

• Euskaraz eta gazteleraz maila aurreratua (idatziz eta ahoz).

• Dinamizazio eta fazilitazio gaitasunak: bileren diseinua, parte-hartzea sustatzeko teknikak eta akten kudeaketa.

• Edukien idazkera argia eta publiko ezberdinetara egokitzeko trebezia.

• Sare sozialak kudeatzen esperientzia; planifikazio-tresnak eta oinarrizko analitikak.

• Web CMS baten ezagutza (p. ad. WordPress edo baliokidea) eta bi hizkuntzetako edizioa.

• Bideo grabaketa/edizio oinarrizkoa eta diseinu grafiko arina (Canva, Inkscape edo antzekoak).

• Tresna kolaboratiboak: NextCloud/Drive, posta zerrendak, taula partekatuak.

• Ekonomia Sozial eta Eraldatzailearekiko alineamendua eta ikuspegi feminista-zaintzailearen praktikak.

Baloratuko da

• ESS/kooperatibismoan, berdintasun politiketan eta ikuspegi intersekzionalean prestakuntza.

• Ekitaldi eta prentsa kudeaketan esperientzia.

• SEO/analitika oinarrizkoak, newsletterrak eta copy-argazkigintza.

• Lurralde ezagutza (Bidasoaldea) eta sare profesionalak.

 

Lekua: Irun Gipuzkoa

Enpresa: BDSKoop Elkartea

Soldata: 15.000-20.000

Nola aurkeztu kandidatura

Bidali CV eguneratua, eta nahi izanez gero, motibazio gutuna edota zuk zeunek egindako 2-3 lan adibide (artikulu, bideo, kartel edo web-edukien estekak) gaian “Komunikazio eta Koordinazio Teknikaria – BDSKoop” adierazita, 2025/09/15 baino lehen: proiektuak@bdskoop.eus.

 

Galderak?
Idatzi proiektuak@bdskoop.eus helbidera edo deitu 843 74 01 98 zenbakira (goizez).

BDSKoop – Bidasoaldean Ekonomia Sozial eta Eraldatzaile eta Trantsizio Ekosozialaren alde. Zure ekarpena behar dugu!