Arloa: Euskalgintza / Euskal Kultura

Eskaintzaren deskribapena:

Ikaselkar hezkuntza-argitaletxeak Bagoaz kultur-proiekturako kudeatzailea kontratatu behar du; egitasmoak euskaren eta euskal kulturaren transmisioa du helburu.

Egitekoak

• Bagoaz proiektua garatzea, zabaltzea eta ekonomikoki bideragarri egitea:

1. Proiektua gidatzea: estrategia orokorraren baitan urteko kudeaketa plana osatzea eta garatzea.
2. Aurrekontua eta lantaldea kudeatzea.
3. Proiektura eragile berriak gehitzea.
4. Proiektuaren sozializazio estrategia eraikitzea.
5. Finantziazio bideak lantzea.

Lan eremua: Euskal Herria.

Lan modua: zuzendaritzaren jarraipen eta gidaritzapean arituko da; era berean, autonomiaz eta arduraz lan egiteko gaitasuna behar du, baita beste erakunde eta pertsonekin elkarlanean aritzekoa ere.

Eskaintza

-Lanaldi osoa ordutegi malguarekin.

- Lantalde euskaldun eta konprometituko kide izatea.

- Euskal kulturaren sustapenean aktiboki parte hartzeko aukera.

- Soldata hautagaiaren esperientzia eta balioaren araberakoa.

Formazioa

• Unibertsitate titulua (Gradua, Lizentziatura edo Diplomatura); besteak beste, marketinarekin, komunikazioarekin, enpresa nahiz kultur kudeaketarekin, soziologiarekin edota hezkuntzarekin zerikusia izatea baloratuko da.
• Euskara C1 ziurtagiria (baloratuko da C2a).
• Euskal kultur transmisioan formazioa izatea aintzat hartuko da (ikastaroak, graduondokoak).

Baloratuko den esperientzia

• Proiektuen kudeaketan, marketinean edota komunikazioan aritu izana.
• Euskalgintzan eta kulturgintzan izandako eskarmentu profesionala.
• Komunitatearekin eta gazteekin lan egiten esperientzia (adibidez: irakaskuntza, kultur ekitaldiak, irakurketa klubak, gazte-elkarteak, tailerrak, etab.).

Bestelako Gaitasunak

• Lidergoa: taldeak eta proiektuak gidatzeko trebetasuna.
• Sormena: ekimen berriak sortzeko eta proiektuak modu berritzaileetan aurrera eramateko gaitasuna.
• Moldagarritasuna: aldaketetara egokitzeko eta erronka berriei aurre egiteko prestutasuna.
• Komunikazioa: ideiak argi adierazteko gaitasuna, ahoz nahiz idatziz.
• Harremanak: eragile ezberdinekin harremanak eraiki, indartu eta lankidetza proiektuak bultzatzeko gaitasuna.
• Konpromisoa: euskararekin eta euskal kulturarekin engaiamendua.

Lekua: Aduna Gipuzkoa

Enpresa: ELKAR IKASTOLAK ZERBITZUAK, S.L.

Lan mota: Jardunaldi osoa

Soldata: Zehaztu gabe

Nora bidali:  julen@ikaselkar.eus 

Korreoan jartzeko erreferentzia: bagoaz kudeatzailea

Curriculumak jasotzeko epea: apirilaren 7ra arte.