Arloa: Komunikazioa / Diseinua / Hedabideak / Kazetaritza

Eskaintzaren deskribapena:

Euskalgintzaren Kontseilua euskalgintzaren Euskal Herriko bilgune zabalena da. Kontseiluko komunikazio arduradunak aukera izango du euskalgintza sakon ezagutzeko eta euskararen normalizazio prozesuan eragile izateko. Horretarako, Kontseiluko lan-taldearekin eta bazkideekin eskuz esku lan eginez. Bestalde, komunikazio arduradunak jardun erdian arituko den komunikazio teknikaria izango du lankide. Jarraian zehazten dira lanpostuari dagozkion eginkizun eta baldintza zehatzak.

Arduradunaren eginkizunak:

• Kontseiluaren komunikazio-estrategia orokorra garatzea.
• Proiektuen komunikazio-planak garatzea.
• Kontseiluaren komunikazio-ekintzak proposatzea eta garatzea.
• Urteko egitasmoak eta balantzeak prestatzea.

Lan baldintzak:

• Egun osoko lanpostua da eta zerbitzu jakinekoa deritzon kontratu mota izango du, Kontseiluko gainerako langileek bezala.
• Kontratu honek 6 hilabeteko frogaldia izango du
• Lantokia Andoainen izango da, Kontseiluaren egoitzan.

Eskatzen da:

• Komunikazio arloko ikasketak izatea
• Komunikazio arloko arduretan lan egin izana
• Euskaraz, ahoz nahiz idatziz, maila ona izatea
• Hedabideen aurrean jarduteko prestasuna.
• Gidabaimena eta autoa izatea

Baloratuko da:

• Diseinu, maketazio eta bideogintza arloko gaitasunak izatea
• Euskalgintza ezagutzea.
• Harremanetarako eta koordinaziorako gaitasuna.
• Hizkuntzen ezagutza, bereziki gaztelania, frantsesa eta ingelesa.

Lekua: Andoain Gipuzkoa

Enpresa: Euskalgintzaren Kontseilua

Lan mota: Jardunaldi osoa

Soldata:

Proposamenak eta Curriculumak aurkezteko:

Emailez:

iker@kontseilua.eus

Postaz:

Euskararen Gizarte Erakundeen Kontseilua
Martin Ugalde Kultur Parkea
20140 Andoain