ADMINISTRARIA

Deskribapena

Arloa: Administratiboak / Idazkariak / Bulegariak

Eskaintzaren deskribapena:

DURANGALDEKO IBAIZABAL IKASTOLA KOOPERATIBA-ELKARTEAK ORDEZKAPEN BATERAKO ADMINISTRARI-LANPOSTUA BETETZEA BEHAR DU

Eskaintzen da:

Lanaldi osoa (% 100).
Soldata: indarrean den Ikastolen Elkartearen lan-hitzarmenean idazkari-buruari dagokiona.
Ikasturtea bukatu-bitarteko ordezkapen-kontratua.

Funtzioak:

Kooperatibaren administrazio ekonomikoa:

Kontabilitatea egitea Asesor-Cospa programaren bitartez, kooperatibaren barruko sekzio guztiena (hau da, ostatu, aterpetxe, taberna, gimnasio eta hezkuntzako idazpenak erregistratzea eta beharrezko txosten ekonomikoak erauztea).
Aitorpenak egitea: 110 atxikipenak, 190 urteko atxikipenak, 303 zerga-aitorpena, 390 urteko BEZ aitorpena, 347 hirugarrenekin egindako eragiketen urteko aitorpena.
Diru-eragiketak, fakturazioa (elektronikoa barne), diruzaintza, altxortegia.

Administrazio akademikoa:

Batxilergoko eta Lanbide-heziketako ikasleen aurrematrikula- eta matrikula-prozesuak kudeatzen laguntzea, eta Hezkuntza Sailaren aplikazioan erregistratzea ondoren.
Ikasleen kuoten kudeaketa administratiboa egiten laguntzea Alexia programaren bitartez: hileroko helbideratzeak, itzulketak erreklamatzea…

Administrazio laborala:

Langileen lan-kontratuak egin/aldatu eta Contrat@-Sepe orrialdean erregistratzea, eta Gizarte Segurantzan alta, baja eta aldaketak egitea.
Siltra programarekin langileen kotizazioak, gaixotasun eta istripuak erregistratzea.
Nómina Foke programarekin langileen alta eta aldaketa guztiak gestionatzea nominak sortzeko.

Administrazio orokorra:

Harrera eta arreta: aurrez aurre, telefonoz, posta elektronikoz…
Posta eta korrespondentzia. Egoitza elektronikoa.
Fitxategiak eta erregistroak.
Bere kategoria-profesionalari dagozkion edo esleitzen zaizkion pareko zeregin guztiak.