Arloa: Euskalgintza / Euskal Kultura

Eskaintzaren deskribapena:

Lan jardun moldakorra duen lanpostua estali nahi da, Bilbon Euskaraldia ekimenaren komunikazio lanketa burutzeko. Otsailaren 3tik ekainaren 6ra egunean 6 ordutako jarduna izango da. Euskaraldia ekimenaren baitako eragiletza lanak bere ardurapekoak izango dira eta honako zereginak izango ditu, besteak beste:

• Herriko eragileei eta herritarrei Euskaraldia ekimena aurkeztu (elkarteak, enpresak, norbanakoak…) eta prestakuntza eskaini.
• Tokian tokiko komunikazio plangintza bideratu eta ekimenak garatu.
• Komunikazio alorreko ezagutza izatea baloratuko da (sare sozialak, bideoen sorrera, webguneen kudeaketa, diseinua, ofimatika…)
• Entitateen lanketa planifikatu eta garatu.
• Herritarrak ahobizi/belarriprest dinamikarako aktibatu eta prestatu.
• Herritarren eta entitateen izen ematea antolatu.
• Balorazioa eta aurrera begirako urratsak adostu herriko euskaltzaleekin.

Honako baldintzak betetzea eskatuko zaie hautagaiei:

• Euskara maila egokia izatea (idatziz zein ahoz).
• Bilbo ezagutzea.
• Euskaltzalea izatea eta euskalgintzaren ezagutza izatea.
• Jendaurrean eta jendearekin harremanetarako gaitasuna izatea.
• Eragiletzarako gaitasuna izatea (ekimena herrian zabaldu eta ekimenera jendea erakartzeko abilezia).
• Kudeaketarako gaitasuna izatea
• Lanerako autonomia maila altua izatea ezinbestekoa da.
• Ordutegi malgutasuna izatea ezinbestekoa da.
• Gidabaimena eta autoa izatea baloratuko da.

Lekua: Bilbo Bizkaia

Enpresa: Taupa Euskaltzaleen Mugimendua

Lan mota: Egonaldi baterako

Soldata: Zehaztu gabe

Curriculumak jasotzeko azken eguna urtarrilaren 26a izango da.

Curriculumak Lansarean atariaren bidez ez ezik, honako helbide elektronikora ere bidali ahalko dira:

jon@taupamugimendua.eus