Arloa: Administratiboak / Idazkariak / Bulegariak

Eskaintzaren deskribapena:

Leizaur euskaltegiak Euskara Didaktikari lanetan aritzeko pertsona bat kontratatu nahi du, Euskal Herriko ikastoletako profesional, ikasle eta gainerako helduen euskararen komunikazio-gaitasuna hobetzeko, kalitateko irakaskuntza eskaintzeko zein euskaltegiaren  ildo-pedagogikoak indartzeko, sortzeko eta aholkularitza emateko.

Eginkizunak

• Leizaurreko lan-taldeko kideekin elkarlanean aritzea.
• Euskaltegiaren Curriculum Proiektuaren baitan, didaktikari, formazio-emaile, formazio-diseinugile, material-sortzaile, ebaluatzaile eginkizunak burutzea eta euskaltegiak izan dezakeen edozein beharrizan pedagogiko eta didaktikori erantzutea, besteak beste:
• Leizaurren curriculum-proiektua eguneratzea.
• Euskalduntze-maila guztietarako baliabide didaktikoak eguneratu eta berriak diseinatzea.
• Maila guztietako eskolak eman eta tutorizazio lanak egitea.
• Ebaluazio-probak diseinatzea eta gauzatzea.
• Prestakuntza-egitasmoak ebaluatzea eta diseinatzea.
• Ikasleen, irakasleen eta tutoreen jarraipen didaktikoa egitea.

Eskakizunak

• Gradua izatea, besteak beste, Magisteritza, Euskal ikasketak, Euskal Filologia, Pedagogia, Psikopedagogia…
• Euskararen C2 mailako agiriaren edo baliokidearen jabe izatea.
• Lanposturako eginkizunetan eskarmentua izatea.
• HABEren HEOCaren ezagutza izatea.
• HABEren egiaztate-deialdietako aztertzaile ofiziala izatea lehenetsiko da.

Kontuan hartuko da:

• Ikastolen proiektua, Hizkuntz Proiektua eta Leizaur ezagutzea.
• Glotodidaktika ikastaroa egina izatea.
• Gida-baimena eta autoa izatea.
• Talde-dinamizaziorako eta gizarte-harremanetarako trebetasuna izatea.

 Lanpostuaren baldintzak:

• Euskal Herriko Ikastolak enpresaren lan-hitzarmenaren arabera, 7. Kategoriari dagokiona.
• Lantokia: Donostia.

Eskaintzen da:

• 2026ko irailaren 1etik aurrera kontratu mugagabea.
• Lanaldi osoa (zati bat telelanean egiteko aukera).
• Ikastola komunitateko kide izateko aukera.
• Lantaldean aritzeko aukera

Enpresa: LEIZAUR euskaltegia

Soldata:

Interesa izanez gero, lan-eskaintza honetan parte hartzeko eskaera eta curriculum eguneratua uztailaren 14rako bidali beharko dira helbide honetara: leizaureuskaltegia@ikastolak.eus