Arloa: Informatika / Internet

Eskaintzaren deskribapena:

Elhuyarrek sistemen administrazioko arduradun bat behar du bere lantaldea osatzeko. Elhuyarren azpiegitura teknikoa kudeatzeaz eta erakundearen jarduerarako behar den lidergo informatikoaz arduratuko den pertsona baten bila gabiltza.

Funtzio nagusiak:

• Azpiegitura-saila kudeatzea eta antolatzea.
• Ikuspegi estrategiko batetik, eta segurtasuna bermatuta, Elhuyarreko azpiegitura informatikoa eta orokorra antolatzea eta kudeatzea.
• Erakundeko digitalizazio-prozesuen diseinua eta gidaritza.
• Erakundeko baliabide informatiko eta teknikoen kudeaketa.
• Erakundearen behar informatikoak identifikatu eta irtenbideak ezartzea.
• Eraldaketa digitalerako plana ezartzearen arduraduna.
• Segurtasunerako ziurtagirien kudeaketa.
• Arloaren etengabeko hobekuntza sustatzea.

Zer eskaintzen da:

• Erronka teknologiko handiko erakunde batean berrikuntza- eta hobekuntza-proiektu garrantzitsuetan parte hartzea.
• Diziplina ugariko lantalde euskaldun eta dinamiko batean aritzea.
• Lanaldi osoa eta kontratu mugagabea.
• Lan-ordutegi malgua, telelana eta presentziala konbinatuz.
• Erakundean ibilbide profesionala egiteko aukera.
• Etengabeko garapen profesionala.

Zer eskatzen da:

• Sistemen administrazioan goi-mailako ezagutza (Informatika-ingeniaritzako gradua edo baliokidea izatea lehenetsiko da).
• Sistemen administrazioan esperientzia izatea (Windows, Linux, birtualizazioa).
• Hardwarearen ezagutza edukitzea: PCak, Mac-ak, sareak…
• Hodeiko azpiegiturei buruzko ezagutza izatea (Gcloud, AWS, OVHcloud).
• Zibersegurtasunaren inguruko ezagutza edukitzea.
• Euskara, gaztelania eta ingeles teknikoa menderatzea.
• Pertsona irekia izatea, ekintzailea, komunikatzaile ona, taldean lan egiten dakiena eta laguntzeko prestasuna duena.

Lekua: Usurbil Gipuzkoa

Enpresa: ELHUYAR_

Lan mota: Jardunaldi osoa

Soldata: Zehaztu gabe

Gure lantaldearen parte izan nahi baduzu, bidali zure CVa helbide honetara:

pertsonak@elhuyar.eus.

Gaian, jarri Sistemak.