Arloa: Irakaskuntza / Prestakuntza
Eskaintzaren deskribapena:
Euskampus Fundazioak ibilbide egiaztatua du eragile ugarirekin batera programa eta proiektu estrategikoak eta operatiboak garatzen eta ezartzen. Izan ere, unibertsitateekin, zentro teknologikoekin, ikerketa zentroekin, Eusko Jaurlaritzarekin, foru aldundiekin, Euskadi-Akitania Berria-Nafarroa Euroeskualdearekin eta beste erakunde askorekin aritu da halako lanetan. Gure proiektu guztietan balio jakin batzuk bultzatzen ditugu, esate baterako, benetako lankidetza, ko-lidergoa, elkarrekiko konfiantza, inklusitibatea, eskuzabaltasuna eta erantzukizuna, eta gure helburu nagusia erronka globalei erantzutea eta gizarte inpaktu eta balio gorena sortzea da. Euskampus Fundazioak Unibertsitatea+Enpresa+Gizartea lankidetza esparruan diseinatu eta garatzen dituen programen artean dago KSIgune, Euskadiko Kultura eta Sormen Industrientzako Goi Mailako Hezkuntza eta Ikerketa Klusterra. KSIgunek Euskadiko goi mailako hezkuntza zentroen eta kultura eta sormen sektoreetako eragileen arteko lankidetzan oinarritutako hezkuntza eta ikerketa proiektuen garapena sustatu eta errazten du.
Proiektuetako teknikariaren egitekoa
Unibertsitate prestakuntzako proiektuak diseinatu eta garatzea, horien jarraipena egitea eta horiek zabaldu eta ezagutzera ematea. Eginkizun hori KSIgune ekimenaren esparruan eta Kultura eta Sormen Industrien (KSI) esparruan garatuko da, nagusiki, eta beste arlo batzuetara ere zabalduko da, Euskampus Fundazioko prestakuntza proiektuen bilakaera kontuan hartuta.
Eginkizunak:
Hauek izango dira, besteak beste, hautatutako pertsonaren funtzioak eta zereginak:
-
KSIen sektoreko prestakuntza premiak eta aukerak identifikatzea.
-
KSIen esparruan dauden unibertsitate prestakuntzako programak aztertzea, tokikoak eta nazioartekoak, maila guztietakoak (gradua, masterra, doktoregoa, etengabeko prestakuntza) eta formatu guztietakoak (aurrez aurrekoa, online, hibridoa, duala, etab.).
-
KSIgune ekimenaren maila eta formatu guztietako prestakuntza eskaintzaren diseinuaren eta garapenaren ko-kreazioa gidatzeko gai izatea.
-
KSIguneko kide diren erakundeekin eta proiektuak egiten laguntzen duten beste erakunde batzuekin zuzeneko harremana izatea eta elkarlan hori kudeatzea.
-
Proiektua zabaltzeko bilerak, mintegiak, hitzaldiak eta abar antolatu eta egitea.
-
Garatutako jardueren tokiko eta nazioarteko komunikazioaz eta hedapenaz arduratzea.
-
Garatutako programak ebaluatzea.
